ရေသာများ၍

09May11

(၁)

ဟိုတနေ့က အသားတုချက်စားကြပါသည်။ မစားရတာ အနှစ်ဆယ်နှင့်ချီနေပြီဖြစ်၍ တော်တော်ကောင်းပါသည်။ သို့သော် အသားတုမှာ အသားစစ်မဟုတ်သလို အာဟာရဓာတ်ပြည့်ဝသည်ဆိုစေကာမူ လတ်ဆတ်သော ခဲဘွယ်ကားမဟုတ်၊ ဓာတုဗေဒဖြင့် ပြုစီရင်ထား၍ စွဲမြဲသုံးဆောင်ရန်လည်းသင့်သည်ဟု မထင်။ သို့သော် ပဲတွေ ဟင်းရွက်ဟင်းသီးတွေ စားနေကျက အသားတု သက်သက်လွတ်ကို စားရသည့်အခါ ရသာပြောင်းဟု တပ်မက်မိကြမည်ပင်။

အတုတွေ အန္တရာယ်ကို တလောက လူထုဦးစိန်ဝင်း အလဲဗင်းဂျာနယ်တွင် သတိပေးသွားသည်ကို ဖတ်လိုက်ရသည်။ ဟုတ်ပ၊ မြန်မာပြည်တွင် ဆင်တူရိုးမှားအတုအပများက ခုထိ ဒုက္ခပေးလှသည်။ အတုမိသူတွေမှာလည်း အတုမှန်းမသိသည့်မောဟ၊ သိသည့်တိုင် အလိမ်မျက်နှာကြီးကိုကြောက်၍ ငြိမ်ကာ အချင်ယောင်ဆောင်ရသည့် ဘယာဘေးများက ကြီးသည်မဟုတ်လား။ ကျနော့စိတ်ထဲ အာဏာရ စစ်အာဏာပိုင်များသည် လူထုကို ရေထိုး၍ နွားနို့ရောင်းသလို အဖိုးတန်သမျှ ပေါချောင်ညံ့ဖြစ်အောင် လုပ်ရာ၌ အင်မတန် စေတနာသန်သည်ထင်ပါသည်။ ဆိုရှယ်လစ်၊ ဒီမိုကရေစီရှိသမျှဝါဒစုံကို နာမည်ပျက်အောင် လူမုန်းအောင် အမှန်တကယ် ဗန်းပြစားမည့် တကိုယ်ကောင်း စီးပွားရှာအုပ်စုဖြစ်သည်။ လူထုဦးလှ ရေးခဲ့သည့်ဝတ္ထုတပုဒ်ခေါင်းစဉ်လို လိမ်တဲ့လောက။ ဂျပန်ခေတ်အကြောင်း အိုင်စီအက်စ်ဦးချမ်းသာရေးပြသည်ကတော့ “တူတူလိမ်၊ တည့်တည့်လိမ်၊ ဗြောင်လိမ်” ဆိုပဲ။

တက္ကသိုလ်ကောလိပ်တွေ တနိုင်ငံလုံး မှိုလိုပေါက်အောင် ဖွင့်ပေးပါသည်၊ သို့သော် အခြေခံအဆောက်အအုံဘာမှမပါ၊ မြို့စွန်တောချောင်မှာ။ ပညာရေးကိုလည်း မြှင့်ပေးသည်၊ ကျူရှင်ခတွေဈေးကြီး၊ သင်ရိုးကြီးကြီးကျယ်ကျယ်တွေပြောပီး ဘွဲ့လက်မှတ်က ဂျပန်စက္ကူလိုဖြစ်အောင် အကွက်ချစီမံသည်။ လူမှုရေးကဏ္ဍကိုလည်း အန်ဂျီအိုပေါင်းစုံလက်ထဲ ထိုးထည့်ထားသည်။ နိုင်ငံရေးကျတော့ကော၊ လွှတ်တော်တွေ၊ အမတ်တွေ၊ ပါတီတွေ ရှိပါသည်ဆိုရုံ ရုပ်ပြလက်သပ်မွေးအဆင့်တွင်ထားသည်။ တရားလွှတ်တော်ဆိုတာတွေ တနိုင်ငံလုံး လျှောက်ဖွင့်လိုက်ပီး မဏ္ဍိုင်ကြီး ၃ ရပ် သီးခြားလည်ပတ် နေပါပီဟု ဆိုလိုက်သေးသည်။ မဏ္ဍိုင်တွေကို ငါးခြောက်ခွဲသလို ခွဲချင်သလောက် ခွဲနိုင်သော်လည်း ထိုမဏ္ဍိုင်တွေ လည်ပတ်ပုံ လည်ပတ်နည်း၊ လည်ပတ်မည့်သူတွေက ဟုတ်ဟုတ်ညားညားရှိဘို့လိုသည်။ ဒီမဏ္ဍိုင်တွေက ခေတ်တိုင်းမရှိမဟုတ်၊ ရှိသော်လည်း အုပ်စိုးသူလူတန်းစားအကျိုးစီးပွားကို မလွန်ဆန်နိုင်သည်က ဘယ်ခေတ်မှမလွတ်။

စီးပွားရေးတွင် ပုဂ္ဂလိကပိုင်ပြုသည်၊ ဈေးကွက်စီးပွားရေးပီပြင်အောင်လုပ်မည်၊ သန့်ရှင်းသောအစိုးရစသည်ဖြင့် လူကြားကောင်းအောင် စိတ်ကူးရှိသလောက် ပြော၍ဖြစ်သော်လည်း လက်တွေ့တွင် ဘယ်လောက်အလုပ်ဖြစ်နိုင်သည်က မှန်းရတာလွယ်လွန်းနေသည်။ လက်ရှိစီးပွားရေးအကျိုးစီးပွားတွေ ဘယ်သူတွေထံ ကိန်းဝပ်နေသည်ကို မသိမဟုတ်ကြ။ လူကြားကောင်းသည့် မိန့်ခွန်းကြီးတွေနှင့် လူယုံအောင် လှိမ့်သည့်နေရာတွင် ဟစ်တလာကိုတော့ ဘယ်သူမှ မမီနိုင်သေးပါ။ ဂျပန်ခေတ်က ဒေါက်တာဗမော်လည်း မိန့်ခွန်းကြီးတွေချွေရင်း တောင်ရှည်ပုဆိုးကြီးမနေသည်နှင့် ဂျပန်စစ်ရှုံးမှ မင်းသားကြီးတခန်းရပ်သွားဘူးသည်။ မီဒီယာဆိုသည်များမှာလည်း အစိုးရနှင့်မကင်းရာမကင်းကြောင်းတချို့ကို အခွင့်ထူးပိုပေးပီး လွတ်လပ်ခွင့်ရှိပါသည်၊ ဝေဖန်နိုင်ပါသည်ဟု နှပ်ကြောင်းလေးပြလိုက်ရုံနှင့် ဖိနှိပ်မှုအလုံးစုံကို ဖုံးဖိထားနိုင်မည်ထင်ကြသည်။ အစစ်အရသာမသိသူများကို လိမ်စား၍ကောင်းသော ရွှေရည်စိမ်ခေတ်များ။

(၂)

စစ်သေနာပတိ စစ်တပ်ကိုပင် ဘယ်သူကိုင်ထားသည်သေချာမသိ၊ ကာကွယ်ရေးဦးစီးချုပ်ဘဝမှ ကာချုပ်ရုပ်သေးဖြစ်ရသည့်ခေတ်၊ ဗိုလ်ချုပ်စန်းယု၊ ဗိုလ်ချုပ်သူရတင်ဦး၊ ဗိုလ်ချုပ်ကျော်ထင်၊ ဗိုလ်ချုပ်စောမောင် ဦးစီးချုပ်လေးဆက်ပေါ်မှ သမ္မတကြီး၊ ဥက္ကဋ္ဌကြီးတယောက် ၁၆ နှစ်ခန့် လမ်းညွှန်သွားခဲ့ဘူးသေးသည်မဟုတ်ပါလား။ အသက်ရှည်ရှည်နေရခြင်း၊ အကြားအမြင်အဖတ်အရှု များရခြင်းများ၏ ကောင်းကျိုးမှာ လူလိမ်လူညာများများခံဘူး၍ လူ“အ”ပါးဝခြင်းဟု ဆိုရမလိုလို။ မည်သူ့အဖေခေါ်ရမှန်းမသိသည့်ဘဝမှာ ခုမှကြုံကြရသည်မဟုတ်၊ ဗိုလ်ချုပ်စောမောင်တက်စ တပ်မတော်နေ့လား အခမ်းအနားကြီးတွင် ထိပ်ကမိန့်မိန့်ကြီးထိုင်နေသောပုဂ္ဂိုလ်ကြီးတယောက်ပုံကို သတင်းစာမျက်နှာဖုံးမှ ဖူးဘူးခဲ့ကြပီမဟုတ်ပါလော။ နဝတဖျက်သိမ်း၍ နအဖဖွဲ့သည်အထိ “အဖေကြီး”က နောက်ကပါနေသေးသည်ဆိုသောစကားများလည်းကြားခဲ့ဘူးသေးသည်။ အကျိုးစီးပွားအဝေမတည့်ကြမှ “ကြိတ်ပုန်း”နန်းချပွဲတွေဖြစ်ကုန်သည်။ ဤတကြိမ်တွင်တော့ ရွှေပေါက္ကံကို ကြာကြာနန်းထိုင်နိုင်အောင် မျှမျှတတကြည့်စားကြမည်ထင်ပါသည်။

ဤနှစ်တွင် အနှစ်တရာပြည့်သော တရုတ်ပြည်ဘူဇွာတော်လှန်ရေးအပီး သမ္မတနိုင်ငံခေတ်ကို အောက်မေ့စရာ။ ဆွန်ယက်ဆင်မှာ အမျိုးသားခေါင်းဆောင်ကြီးသာဖြစ်ရသည်၊ တကယ့်အာဏာက စစ်ဘုရင်တွေလက်ထဲ။ ထိုထက် ပီကင်းတွင် စည်းစိမ်မပျက်ခံစားနေသည့် မန်ချူးမင်းဟောင်း၏နန်းတော်ကြီးအုပ်စုက နောက်ကနေ နန်းပြန်ရအောင် စက်လှည့်နေပြန်သည်။ တိုင်းပြည်ဗရုတ်ဗရက်တွင် တက်လာသည့်သမ္မတတွေက ဘုရင်ပေါက်စန၏ ဆရာ၊ ဘုရင့်သစ္စာခံစစ်ဘုရင်တွေပါ၏။ သူတို့ကိုယ်တိုင်က ဘုရင်ခေတ်ပြန်ရောက်အောင် ကြိုးပမ်းနေသေး၏။ နောက်ဆုံး ချန်ကေရှိတ် စစ်တပ်ကိုကိုင်နိုင်မှ နန်းတော်ထဲက ဘုရင်အုပ်စုကို ဖယ်ထုတ်ပစ်နိုင်သည်။ ယခုလည်း အိမ်ဖြူတော် ပြတင်းရွှေချနှင့် အိမ်ငြိမ့်စံနေသော မင်းဘုရားကြီးများသြဇာက ဘယ်ထိညောင်းနေမည်မသိ။ ဒါကိုပင် ဒီမိုကရေစီပျားရည်ဆမ်းဟု ဆိုရဲသေးသည်။

(၃)

ပညာတတ်တွေ ဝန်ကြီးမှူးကြီးတွေဖြစ်လာတာ အများကြီးမျှော်လင့်စရာဟု မျှော်တလင့်လင့်နေသူများလည်းမရှား။ အဲဒိပညာတတ်တွေ ဘယ်တုံးက ရွပ်ရွပ်ချွံချွံ တိုင်းပြည်အတွက် သတ္တိပြောင်တာ ကြားဘူးသလဲဟု မေးလျှင် မည်သို့ဖြေကြမည်မသိပါ။ ပညာရှင်ဆိုသည်မှာ စင်စစ်ဝန်ထမ်းအကြီးစား ကျွန်အကြီးစားထဲကဖြစ်ရာ ချီးမြှင့်မြှောက်စားသည့် အာဏာပိုင် ငွေရှင်ကြေးရှင်လူတန်းစားကို ရှာဖွေဆည်းကပ်ရသည်ချည်း။ ဤကား နန်းတွင်းခေတ်မှ ခေတ်အဆက်ဆက်မှန်မည့်တရားသဘောပင်။ ကျွန်ခေတ်မှ ယနေ့အထိ မင်းတိုင်ပင်ကောင်စီအဆက်ဆက်တွင် ကင်းဝန်မင်းကြီး၊ ဦးမေအောင်၊ ဆာဂျေအေစသည့် ပညာရှိကြီးများအဆက်ဆက်အမှုတော်ထမ်းခဲ့သည်ချည်း။ မည်သူမျှ နလပိန်းတုံးတွေရံ၍ မနေခဲ့။ အုပ်ချုပ်သူလူတန်းစားအကျိုးအတွက် အမြင်အကောင်းဆုံးဖြစ်အောင် ပညာရှိများအကူနှင့် တိုင်းပြည်ကိုသုံးစားခဲ့သည်သာချည်း။

ဝေးဝေးမကြည့်နှင့်၊ ဦးနုခေတ်က ဦးသန့်၊ ဦးအုန်းစသည့် စာသမားအကြံပေးကြီးတွေရံသည်ဆိုပေသိ၊ တိုင်းပြည်ငြိမ်းချမ်းအောင် အကြံပေးဘို့ထက် ဦးနုခိုင်းတာလုပ်ရသည်နှင့် ဖတ်ဖတ်မောနေကြသည်မဟုတ်လား။ ၁၉၆၀ က ဦးနု ပထစပြန်အတက်တွင် အကြံပေးအဖွဲ့ခန့်သည်ဆိုပီး သမ္မတဟောင်း၊ တရားဝန်ကြီးချုပ်ဟောင်း၊ လွှတ်တော်ဥက္ကဋ္ဌဟောင်းစသည့် အဟောင်းကြီးများနှင့် ရံကာမှ ဗလိနတ်စာကျွေးတာလို စိတ်ကူးပေါက်ရာတွေလုပ်ခဲ့သေးသည်မဟုတ်လော။ တပ်မတော်က လက်သပ်မွေးလာသည့် ဒေါက်တာမောင်မောင်ကဲ့သို့ ပညာရှိများကော ဘာထူးပါသနည်း။ ကမ္ဘာ့အငယ်ဆုံးတရားသူကြီးချုပ်ခေတ်မှ ဗြိတိသျှအစဉ်အလာတရားရေးစနစ်၊ ဥပဒေသင်ကြားရေးစနစ်ကို အမြစ်ကတိုက်လှဲခဲ့သည်။ အရေးအခင်းတွင်းက လူတချို့က အရပ်သားသမ္မတကြီးထံ တိုင်းပြည်ကောင်းရာကောင်းကြောင်းလာပြောသည်ကို သမ္မတကတော် အမတ်မင်းသမီးက “ငါတို့ဒုက္ခရောက်အောင် မလုပ်ပါနဲ့”ဟု ပိတ်ပင်ခဲ့ဘူးသည်။ဒေါက်တာမောင်မောင်သာမက သူ့နှမပေးယောက်ဖ ဒေါက်တာခင်မောင်ဝင်း (ဒဿန)လို ဆရာကြီးပါ ပညာရေးဝန်ကြီးဘဝနှင့် တိုင်းပြည်ဝန်ထမ်းသည့်ခေတ်တွင် ပညာရေးဘာအဆင့်မြင့်ခဲ့ပါသနည်း။ ဆန္ဒပြပွဲများဖြိုခွဲပီး စာပေးစာယူ၊ ဒေသကောလိပ်ခေတ်ပင် ဖြစ်ခဲ့သေးသည်။

မဆလခိုင်းဘတ်ပညာတတ်များကိုအသာထား၊ လက်ရှိ လူစိတ်ဝင်စားနေသော အမျိုးသမီးဒုဝန်ကြီးဆိုသူများမှာ တယောက်က အမျိုးသားညီလာခံထဲက တောက်လျှောက် အိမ်တော်ပါ ခုဇ္ဇာဖြစ်သည်၊ နောက်တယောက်ကလည်း ထောက်လှမ်းရေးပြုတ်ဗိုလ်မှူးဟောင်းကတော်။ ဒေါက်တာဖေသက်ခင် ဝန်ကြီးဖြစ်တော့ လူကောင်းတက်ပီဆိုပီး မျှော်ကြသည်။ ထုံးစံအတိုင်း ကျန်းမာရေးဌာနက အရာရှိတွေက ဘက်ဂျက်နဲ့ ညှစ်ထားမှာပေါ့ဟု ဌာနအကြောင်းသိတွေက ဆိုသည်။ ဌာနတွင်လည်း ဆေးရုံဘက်နှင့် ရုံးဘက်က ပညာအပြိုင်ပြနေကျဖြစ်ရာ ဝန်ကြီးပြာဋိဟာပြခန်းကိုပဲ မျှော်မိပါသေး။

မြန်မာပညာတတ်များမှာ မိမိပညာနှင့်ရနိုင်သည့် စည်းစိမ်ဥစ္စာထက် လာဘ်သပ္ပကာကို အင်မတန်မျှော်မြင်ရာ သူတို့ကိုကောင်းကောင်းခွံ့ပီးခိုင်းမည့် လယ်ရှင်မျိုးက မရှားပါ။ ၂၀၀၇ အရေးအခင်းတွင် ဓာတ်ဆီဈေးတက်ရန် အကြံပေးခဲ့သည်ဟု သတင်းထွက်၍ “မြန်မာပြည်မှာ ပညာရှင်တွေ အကြံပေးတိုင်း အစိုးရက အရေးတယူပြုဆောင်ရွက်လေ့မရှိပါဘူး” ဟု ထရှင်းရသည့် စာတိုစာရှည် ဒေါက်တာကြီးလည်း ယခုတော့ ခေတ်မီသူတိုင်း အကြံပေးသည့်အုပ်စုတွင် ၂ ပဲ ၁ ပြား ပညာရှိများနှင့် တလှေထဲ စီးနေပါပီ။

မဆလခေတ် နိုင်ငံတော်ကောင်စီတွင် ပင်လုံစာချုပ်၏ အဓိကဆော်သြသူ၊ ဖက်ဒရယ်မူအကြံပေး ပါမောက္ခဦးတင်ဧလို တိုင်းရင်းသားပညာရှင်တွေ၊ ပင်လုံစာချုပ်လက်မှတ်ထိုးသူကြီးတွေ၊ ပဲခူးဦးသာဒင်လို ပထမတက္ကသိုလ်သပိတ်မှ ပမညတခေတ်ထိ နိုင်ငံရေးသမ္ပဇဉ်ကြီးသူတွေ စသဖြင့် လူအိုတွေတလှေကြီးနှင့် တန်ဆာဆင်ဘူးပါသည်။ သို့သော် ဆိုရှယ်လစ်ခေါင်းဆောင်ကြီး ဦးနေဝင်းက ထိုမျှနှင့်အားမရ၊ တက္ကသိုလ်ကျောင်းသားရေးမှူးဟောင်း အမေရိကန်ကိုလမ်ဘီယာမဟာဘွဲ့ခံ ဦးစံထွန်းဆိုသည့် ပုဂ္ဂိုလ်ကြီးပါ မ,လာပါသည်။ အဘယ်က မျက်စိတွေ့လာပါသနည်းဟူသော် ခေါင်းဆောင်ကြီး ကျန်းမာရေးအတွက် ဂေါက်ကွင်းသွားရာလမ်းတွင် ဦးစံထွန်းခြံကို ဖြတ်သွားရသည်ဟူ၏။ နေ့စဉ်ဖြတ်နေသော ယာဉ်တန်းကို ဦးစံထွန်းက ခြံဝမှထွက် လက်ပြသည်ဆို၏။ အဲဒါ ဘယ်သူလဲဟု နေ့တိုင်းမြင်နေသည့် နံပါတ်ဝမ်းကြီးက ဘေးဘီကိုမေးပီး နိုင်ငံတော်ကောင်စီထဲ ထဲ့လိုက်ကွာဆို၍ ရောက်လာသည်ဟု လမ်းစဉ်ပါတီ လူငယ်ရေးရာမှ ဦးမင်းထွေးပြောသည့် အတွင်းရာဇဝင်တပုဒ်ကို ကြားဘူးပါသည်။ ဦးစံထွန်းက ဘာလို့လက်ပြရတာလဲဟု မေးမိရာ “ကြီးတော့ ကြောင်တာပေါ့”ဟုသော အဖြေထူးကြီးကို ရခဲ့ပါသည်။ ယခုလည်း ကွန်မြူနစ်လက်နက်ချ မဆလဟောင်းတသိုက် တောင်ရေးမြောက်ရေးနှင့် လေးစားမှန်းမသိ မလေးစားမှန်းမသိ တိုင်းပြည်ကို ဆိုဆုံးမရင်း စေတနာ့ဝန်ထမ်း မင်းဆရာရူးထနေသည်ကို သက်ကြီးလူပြက်များပမာ တွေ့နေရရာ ဟံသာဝတီဦးဘရင်ကြီး ဗိုလ်ချုပ်ကြီးနေဝင်းနား ဝင်ချင်တာနဲ့ ဆိုရှယ်လစ်တွေ ပေါရာဏထဲမွှေရေးတာမှ ဖတ်ကောင်းပါအုံးမယ်ဟုသာ ကြီးကြောင်ပဏ္ဍိတ်များကို အခါခါ သြချမိတော့သည်။



4 Responses to “ရေသာများ၍”

  1. 1 စာချစ်သူ

    လောကီ-လောကုတ္တရာ နှစ်ဖြာရ ဆရာဘို ဆိုပါတော့၊ နှိုင်းခိုင်းလိုက်တဲ့ ခုဇ္ဖာဆိုတာ သာမာဝတီမိဖုရားခေါင်ကြီးရဲ့ကျွန်မလေးခုဇ္ဖုတ္တရာ ပဲလို့မှတ်တယ်။
    မောင့်ဘေးတော် ဆရာကြီးရွှေဥဒေါင်းပြောဘူးမှတ်တယ်၊ ကွန်မြူနစ်ဝါဒ အကြောင်းသူ့ထက်ပိုသိပိုတတ်သူ ရှိကောင်း ရှိမယ်၊ထို့အတူ ဗုဒ္ဓဝါဒ အကြောင်းသူ့ထက်ပိုသိပိုတတ်သူ ရှိကောင်း ရှိမယ်၊ ဒါပေမဲ့ ကွန်မြူနစ်ဝါဒ မှာရော ဗုဒ္ဓဝါဒ မှာပါ နှစ်မျိုးလုံး စွယ်စုံရ တဲ့ သူလိုလူကတော့ တယ်ရှားဆိုခဲ့သကိုဗျ။

  2. 2 zay latt

    ကောင်းဗျာ ။
    share ခွင့်ပြုပါဗျာ။

  3. 3 maung phyo

    တကယ်ကောင်းတယ်ဗျာ

  4. 4 Tha zin

    ဟုတ်ပ..ခေတ်စနစ်တွေ ဘယ်လိုပြောင်းပြောင်း အကျင့်တွေက အရိုးစွဲနေတော့၊ ပြည်သူတွေ မှာ ငဘ ကတော့ ငဘ ပါပဲဖြစ်နေရတာပဲ။


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: