လူမျိုးရေးတရား ၃၁

13Oct11

လွတ်လပ်တဲ့အာရှအသံ

အရင်အပတ်က စစ်ဗိုလ်ချုပ်ကြီးများရဲ့ ကိုယ်ရေးမှတ်တမ်းတွေကပြောတဲ့ စစ်ဝါဒအကြောင်း ပြောခဲ့ပါပီ။ ဒီတပတ်ဆက်ပြောမှာက အဲဒိဝါဒကို အမှီသဟဲပြုဖို့ မီးထိုးပေးရတဲ့ အမျိုးသားရေးဝါဒသမိုင်းတွေ ဖြစ်ပါတယ်။ တနည်းဆိုရရင် မြန်မာပြည်မှာ ၁၃၀၀ ပြည့်အရေးတော်ပုံခေတ်ကနေ အနှစ် ၅၀ နီးပါး လွှမ်းမိုးခဲ့တဲ့ လက်ဝဲဆိုရှယ်လစ်လမ်းကြောင်းကနေ လက်ယာယိမ်းအမျိုးသားရေးသွေးထိုး နိုင်ငံရေးလမ်းကြောင်းဘက် လူထုတိမ်းညွတ်မှုပြောင်းလာအောင် အာဏာသိမ်းစစ်အစိုးရ ကြိုးစားမှုပါပဲ။ ၈၈ အလွန် မြန်မာစာပေရေစီးကို ပြန်ကြည့်တော့ ဒီသမိုင်းလမ်းကြောင်းသစ်ဖောက်တဲ့ထဲမှာ အစိုးရအလိုတော်ရိပညာရှင်စာရေးဆရာဆိုသူတွေသာမက အစိုးရအတိုက်အခံဆိုသူများပါ မသိစိတ်နဲ့ ပူးပေါင်းမိခဲ့ကြတာကိုလည်း သတိထားမိပါတယ်။ အမျိုးသားရေး ဘာသာရေးစိတ်ဓာတ် မျိုးချစ်ဝါဒဆိုတာ ဝါဒဖြန့်ရအလွယ်ဆုံး လူထုသည်းခြေကြိုက်တွေဖြစ်လို့ပါပဲ။

ဆိုရှယ်လစ်ခေတ်တလျှောက်လုံးမှာလည်း လူမျိုးရေးဝါဒဖြန့်စာတွေက ပျောက်ကွယ်မသွားခဲ့ပဲ အာဏာရအစိုးရအာဘော်စာနယ်ဇင်းရုပ်သံတွေမှာ ဗြောင်တမျိုး သိုသိုသိပ်သိပ်တမျိုး ပါနေတာဖြစ်ပါတယ်။ ဥပမာ လက်ရှိ အသက် ၄၀ ၅၀ ဝန်းကျင်တွေမက်မက်မောမောဖတ်ခဲ့ကြတဲ့ ရွှေသွေးရုပ်ပြစာစောင်က အမြတ်ကြီးစားအရင်းရှင်စနစ်ဆန့်ကျင်ရေးကာတွန်းတွေမှာဆိုရင် ပန်းချီဦးဘကြည်ဆွဲတဲ့ နှာခေါင်းချွန်နဲ့ မျက်နှာဖြူကြီး မုတ်ဆိတ်ဖွားဖွားနဲ့ ကုလားကြီး ကျစ်ဆံမြီးနဲ့တရုတ်ကြီးတွေကို ဗမာသူဌေးကြီးရုပ်တွေထက် ပိုတွေ့ရမှာပါ။ နောက် ရိုးရာယဉ်ကျေးမှု ထိန်းသိမ်းရေး ခေတ်ပေါ်အနောက်ယဉ်ကျေးမှုဆန့်ကျင်ရေးကာတွန်းကွက်တွေမှာလည်း အနောက်တိုင်းကဝင်လာတဲ့ ဟစ်ပီယဉ်ကျေးမှုလက်ခံသူတွေကို လမ်းသရဲဘိန်းစားတွေ ဘူးယိုစတီရီယိုဂီတသမားတွေအဖြစ်ပုံဖော်တာကို မှတ်မိမှာပါ။ အစိုးရပေါ်လစီရုပ်သံကားတွေမှာလည်း အလားတူ အနောက်ဆန့်ကျင်ရေးဝါဒဖြန့်တွေ ပေါ်တင်ထည့်သွင်းလေ့ရှိပါတယ်။ အစိုးရဝန်ထမ်းမဟုတ်တဲ့ စာနယ်ဇင်းသမားတွေကလည်း တဦးချင်းခံစားမှု အသိဥာဏ်ရေချိန်အရ ခေတ်မီမှုဆန့်ကျင်ရေး ရိုးရာထိန်းသိမ်းရေးဘက်မဲတင်းပီး ရေးသားလှုံ့ဆော်ကြတာတွေ့ရပါတယ်။ နိုင်ငံခြားသား တရုတ်ကုလားမုန်းတဲ့ ကိုယ့်ကိုယ်ကိုယ်အထင်ကြီးတဲ့မျိုးချစ်စိတ်ဓာတ်ဟာ ကိုလိုနီခေတ်ကနေ ခုထိတင်ကျန်နေတဲ့ စီးပွားရေးနယ်ချဲ့မှုဆန့်ကျင်ရေးဝါဒသြဇာအရိပ်တွေပဲဖြစ်ပါတယ်။

လွတ်လပ်ပီးခေတ်မှာ အဓိကဖော်ထုတ်လေ့ရှိတဲ့ အမျိုးသားရေးသမိုင်းဝါဒကတော့ လူမျိုးခြားကျူးကျော်သွေးစုပ်မှုကို မြန်မာတွေဟာ ဘယ်တော့မှ ခေါင်းငုံ့မခံတွန်းလှန်လေ့ရှိတယ်၊ တိုင်းရင်းသားချင်း စည်းလုံးညီညွတ်ခဲ့ပီး ပဒေသရာဇ်စစ်ပွဲတွေကြောင့် ခိုက်ရန်ဖြစ်မိတာမျိုးသာရှိတယ်ဆိုတဲ့ ပြည်တွင်းစစ်အတွင်းမှာဖော်ထုတ်ခဲ့တဲ့ သမိုင်းအမြင်ဖြစ်ပါတယ်။ အင်းဝ ပဲခိုး ရခိုင်စသဖြင့် အစိတ်စိတ်ကွဲနေခဲ့တဲ့ ဒေသစွဲအမျိုးသားရေးစိတ်တွေကို မြန်မာအစိုးရက လျစ်လျူရှုခဲ့သလို ပြည်ထောင်စုထဲဝင်လာတဲ့ ကချင် ကရင် ရှမ်းတောင်ပေါ်သားတွေရဲ့ သီးခြားအမျိုးသားရေးနိုးကြားမှုတွေကိုလည်း အစဉ်အလာ မြန်မာများရဲ့ အမျိုးသားရေးဝါဒအောက်မှာ ဖုံးဖိပုံဖျက်ခဲ့ပါတယ်။ ဒါကြောင့် မွန် ရခိုင်စတဲ့ မြန်မာမင်းလက်အောက်ခံဖြစ်ခဲ့တဲ့ တိုင်းရင်းသားတွေရဲ့ ပြည်နယ်တောင်းဆိုရေးလှုပ်ရှားမှုတွေနဲ့ လက်နက်ကိုင်တော်လှန်မှုတွေဟာ လွတ်လပ်ရေးနဲ့အတူ ပေါက်ဖွားလာခဲ့တာပါ။ ဒါကို ခေတ်အဆက်ဆက် မြန်မာအမျိုးသားရေးအစွဲကြီးတဲ့ အစိုးရတွေက လက်မခံနိုင်ပဲ သူတို့ပြဋ္ဌာန်းတဲ့ ပြည်ထောင်စုစိတ်ဓာတ်ဆိုတာကို လူမျိုးစုတွေကြား အတင်းသွတ်သွင်းပါတယ်။ အကျိုးဆက်ကတော့ ကိုလိုနီခေတ်မှာ အထိုက်အလျောက်လွတ်လပ်ခဲ့တဲ့ လူမျိုးစုတွေက မြန်မာများလွှမ်းမိုးလာမှုကို လက်မခံသလို မြန်မာတွေကလည်း လူမျိုးစုတွေကို သူပုန်တွေ နယ်ချဲ့ပုဆိန်ရိုးတွေဆိုတဲ့သံသယတွေဝင်လာတာပါပဲ။

နဝတခေတ် ဝါဒဖြန့်သမိုင်းဆိုတာတွေအကြောင်း ပြန်စဉ်းစားကြရင် ဒေါက်တာမတင်ဝင်းရဲ့ ယိုးဒယားဆန့်ကျင်ရေးဆောင်းပါးတွေ နောက် မြန်မာအစ မြန်မာကဆိုတဲ့ ပုံတောင်ကျောက်ဖြစ်ရုပ်ကြွင်းတူးဖော်မှုလေ့လာရေးမှတ်တမ်းတွေကို မှတ်မိကြအုန်းမှာပါ။ ဒေါက်တာမတင်ဝင်းရေးခဲ့တဲ့ စစ်သူကြီးများနှင့် စစ်ဘုရင်များ၊ ဇာတိနှင့်အစဉ်အလာ၊ (အမျိုးသားစာပေ နိုင်ငံရေး-ဆုရ) အာရှနိုင်ငံများကိုဖဲ့ယူသိမ်းယူခဲ့ကြသော နယ်ချဲ့များဆိုတဲ့စာအုပ်တွေကတော့ နာမည်ကြားရုံနဲ့တင် ပဒေသရာဇ်အမွှမ်းတင် သူရဲကောင်းသမိုင်းတွေမှန်း သိလောက်ပါတယ်။ ရာဇ၀င်ထဲမှ မိန်းမသားတအုပ်ကတော့ အမျိုးသမီးတွေရဲ့ နန်းတွင်းနိုင်ငံရေးမှာ အသုံးချခံရပုံ လွှမ်းမိုးနိုင်ပုံတွေကို နှိုင်းယှဉ်ရေးတာမို့ အဲဒိအချိန်က အစိုးရမီဒီယာတွေမှာ ကြက်မတွန်လို့မိုးမလင်းစသဖြင့် အပုတ်ခတ်ခံနေရတဲ့ ဒေါ်အောင်ဆန်းစုကြည်ရဲ့ နိုင်ငံရေးသြဇာကို ထောက်ခံသလိုဖြစ်ခဲ့တာမို့ လူကြိုက်များခဲ့ပါတယ်။

ယိုးဒယားဆန့်ကျင်ရေးဆောင်းပါးတွေကတော့ အစိုးရဝါဒဖြန့် လူမျိုးရေးမုန်းတီးရေးတွေကို သိသိသာသာထည့်သွင်းတာမို့ ထိုင်းလူမျိုးတွေရဲ့ မြန်မာအပေါ်ထားတဲ့မုန်းတီးမှုအခံကို မကြားဘူးတဲ့ မြန်မာတွေအကြား စိတ်ဝင်စားစရာဖြစ်သွားခဲ့သလို လူမျိုးရေးတင်းမာမှုကိုလည်း နှစ်နိုင်ငံစလုံးမှာဖန်တီးခဲ့သလိုဖြစ်သွားပါတယ်။ ဒါနဲ့တင်မက အလယ်တန်းကျောင်းသုံးသင်ရိုးထဲမှာလည်း ထိုင်းလူမျိုးတွေကို ပုတ်ခတ်စော်ကားတဲ့သင်ရိုးတခု အခုထိထည့်သွင်းသင်ကြားနေဆဲဖြစ်မယ်ထင်ပါတယ်။ တကယ်ကတော့ လူမျိုးရေးအခြေခံ စီးပွားရေးနိုင်ငံရေးကစားမှုကို နှစ်နိုင်ငံအစိုးရတွေ ဖန်တီးခဲ့ကြတာပါ။ ထိုင်းကတော့ ပဒေသရာဇ်တွေနဲ့ စစ်ဗိုလ်ချုပ်တွေရဲ့ နိုင်ငံပြန်လည်စည်းရုံးချိန် ဟိုအနှစ် ၈၀-၁၀၀ လောက်ကနေ ခုထိ ဗမာမုန်းတီးရေးတွေ သင်ကြားပီး လူမျိုးရေးစိတ်ကို တည်ဆောက်နေတုန်းပါ။ နောက်တပတ်ဆက်လက်တင်ပြပါ့မယ်။



One Response to “လူမျိုးရေးတရား ၃၁”

  1. 1 Aung Myint

    ထိုင်းတွေ ဗမာ မကောင်းကြောင်းကို ကျောင်းသင်ရိုးတင်မကပဲ ကာတွန်း၊ ပြဇာတ်၊ ရုပ်ရှင်၊ ဗွီဒီယို မျိုးစုံ လုပ်ပြီး ဖြန့်ဖြူးနေတာကျတော့ ထည့်မပြောတော့ဘူးလားဗျာ။


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: