ဘိုဘိုလန်းစင်နဲ့တွေ့ဆုံခြင်း။ ညိုခက်ကျော်

24May14

Excerpt From Myanmar Gazette, Los Angeles

လူထုဦးလှ+ဒေါ်အမာ နဲ့ပတ်သက်ပြီး အမှတ်တရတခုခုပြောပြပါဦး။

ဒီနေ့က အဘွားဆုံးတာ ၆နှစ်ပြည့်ဗျာ။ (US မှာ ဧပြီ၇ရက်။ ၂၀၁၄။) တောင်လေးလုံးမှာ မနေ့ကဆွမ်းကျွေးတယ်လေ။ Online မှာ ပုံတွေ တက်နေတယ် ။ ကျနော်ကတခါပြောဘူးတယ်။ အဘွားလို့။ အဘွားလိုအရွယ်တွေဆိုရင် တခြားနိုင်ငံမှာ သမ္မတတွေဘာတွေဖြစ်မှာလို့။ သူကပြန်ပြောတယ်။ ” ဘာလဲ။ မင်းက သမ္မတမြေးဖြစ်ချင်လို့လား” တဲ့။ အဲဒါလေးပြန်သတိရတယ်။ ခုချိန်မှာ သမ္မတတွေသိပ်ခေတ်စား နေလို့။ (ရီလျက်။) အဘိုးကတော့ ကျနော်၂နှစ်မှာ ဆုံးတော့ သိပ်မမှီလိုက်ဘူးပြောရမယ်။

– မြန်မာ့သမိုင်းမှာ လူထုသတင်းစာနဲ့ ပတ်သက်ပြီး ဘယ်လိုသုံးသပ်မိလဲ။ ခုနေခါ သတင်းစာလုပ်နေသူတွေကိုရော ဘာပြောချင်လဲ။

ခုချိန်မြန်မာပြည်မှာ သတင်းစာတွေပြန်ထုတ်နေကြတဲ့အချိန်လေ။ တော်တော်များများက ရပ်တည်ဖို့လည်း တော်တော်ခက်ကြတယ်။ လည်ပတ်ဖို့ လူအင်အားရော၊ ငွေအင်အားရော မလုံလောက်တာတွေ အများကြီးရှိတယ်။ ဦးလေးက လူထုတိုက်စိန်ရတုတုန်းကပြောတယ်။ ” သတင်းစာတစောင်ဖြစ်ဖို့ စက္ကူနဲ့ လွတ်လပ်ခွင့်ကလိုတယ်” ဆိုတာလေ။ မြန်မာပြည်က အစိုးရက စက္ကူကလည်း ထောက်ပံ့မပေး။ လွတ်လပ်ခွင့်ကလည်း သိတဲ့အတိုင်းပဲ။ အကုန်လုံးက ဥပဒေပေါ်ကြိုးတန်းလျှောက်နေရတဲ့ ဟာမျိုးဖြစ်နေတော့။ လူထုသတင်းစာက သူ့ခေတ်နဲ့သူ့အခါကလည်း သိပ်ပြီး လွတ်လပ်တယ်ဆိုတာမျိုးမဟုတ်ပါဘူး။ ခုခေတ်ထက်တော့ နည်းနည်းပိုဆိုးမယ်ထင်တယ်။ ပြည်တွင်းစစ် ဖြစ်နေတဲ့ခေတ်မှာ ဖြတ်သန်းခဲ့ရတာဆိုတော့။ လူထုတိုက်ကို မိုင်းခွဲခံရတာမျိုးထိဖြစ်ခဲ့တယ်လေ။ ဒါပေမယ့် သူက နောက်ဆုံးပိတ် အကုန်လုံးသေခါမှသေရော သမိုင်းမှာတခုခုတော့ ကျန်ခဲ့အောင်၊ ပြောစရာဖြစ်အောင် မှန်တယ်ထင်တဲ့ဘက်ကရေးမယ်ဆိုတဲ့ သတ္တိနဲ့တော့ရပ်သွားတယ်လို့ ကျနော်ထင်တယ်ဗျ။ သတင်းစာရပ်တည်ဖို့တခု၊ ဒါမှမဟုတ် ကိုယ့်ရဲ့ကျော်ကြားမှုနဲ့တခြားအခွင့်အာဏာ အတွက် မယိုင်လဲဘဲနဲ့သူတို့ယုံကြည်တဲ့ဘက်ကနေ ရပ်တည်ခဲ့တယ်။ မှန်တာ၊ မှားတာကတော့ ကြည့်တဲ့သူတွေက ဆုံးဖြတ်လိမ့်မယ်။ အဲလိုရပ်တည်နိုင်အောင် ကြိုးစားသွားခဲ့တာတော့ သဘောကျတယ်ပေါ့ဗျာ။ နောက်လူတွေကြိုက်မကြိုက်တော့ မသိဘူး။ မီဒီယာလုပ်လုပ်
ဘာလုပ်လုပ် ကိုယ့်လုပ်ရပ်က နောက်လူတွေဘယ်လိုအကဲဖြတ်မလဲဆိုတာ အဓိကကြည့်တာပေါ့နော်။ နောက်လူတွေပြန်ကြည့်ရင် ကိုယ့် လုပ်ရပ်ကို လူကြားထဲမှာ ပြရဲရဲ့လား ဆိုတာလေးတခုပေါ့။ လူထုကတော့ သူ့လုပ်ရပ်သူ ရဲရဲရင့်ရင့်သတ္တိရှိရှိရပ်တည်နိုင်ခဲ့တယ်လေ။ အဲလို လုပ်ရဲတဲ့ တခြားသတင်းစာတွေလည်း ရှိတယ်လေ။ ခုနေခါမှာလည်း အဲလိုသတင်းစာတွေ ထွက်ပေါ်လာစေချင်ပါတယ်။

– သတင်းသမားတယောက်အတွက် ဘာအရေးကြီးဆုံးလို့ ခံယူသလဲ။

ပညာအရည်အချင်းရှိချင်ရှိမယ်။ ပိုက်ဆံရှိချင်ရှိမယ်။ အခွင့်အာဏာရှိချင်ရှိမယ်။ အဓိကကတော့ မှန်တယ်ထင်တဲ့ဘက်ကရပ်ဖို့နဲ့ နောက်တခုက Underdog ပေါ့လေ။ မျက်နှာမရတဲ့သူ၊ နေရာမရတဲ့သူတွေ minority တွေအတွက်ရပ်ဖို့က အရေးကြီးတယ်။ အဲဒီလိုမျိုးဘက်ကနေ ရပ်နိုင်တဲ့ သတင်းသမားတွေပေါ်ဖို့ အရေးကြီးတာပေါ့။ ဒါပါပဲ။

– မီဒီယာက ဘက်လိုက်ဖို့လိုလား။

ဘက်လိုက်တယ်ဆိုတာက ပြောလို့မရဘူးလေ။ လူဆိုတာ အကုန်လုံးက “ဘက်” ဆိုတာက ရှိမှာချည်းပဲ။ မသိမသာနဲ့သိသိသာသာပဲရှိမယ်လေ။ ဒါပေမယ့် သူ့ရဲ့ Professional Ethics ကိုတတ်နိုင်သမျှစောင့်ဖို့တော့ လိုတယ်။ ဘယ်ဘက်ကလိုက်လိုက် ကိုယ့်ရဲ့တင်ပြပုံ၊ သုံးသပ်ပုံက ကိုယ့်ကိုထောက်ခံတဲ့သူရော၊ မထောက်ခံတဲ့သူရော စိတ်ထဲမှာ သမာသမတ်ရှိတယ်။ လက်ခံနိုင်စရာ ရှိတယ်ဆိုရင်တော့ ဘက်လိုက်တယ်။ မလိုက်ဘူးဆိုတာထက် မီဒီယာရဲ့စံတခုရှိတယ်လို့ပြောလို့ရတာပေါ့။ ဒီလိုရေးတာက ကိုယ်နဲ့အမြင်မတူပေမယ့် လက်ခံစဉ်းစားလို့ရနိုင်တယ် ဆိုတဲ့အနေအထားမျိုးကို ရအောင်ရေးနိုင်ရင်တော့ မဆိုးဘူး။ မဟုတ်ရင်တော့ Campaign လို၊ ကြော်ငြာရေးသလို ဖြစ်ကုန်မှာပေါ့။

– မြန်မာ့သမိုင်းကိုဖော်ပြကြတဲ့အထဲမှာ မရေမရာဖြစ်နေတာမျိုး။ အမှားကို အမှန်ရေးထားတာမျိုး။ အမှန်ကို မဖော်ထုတ်တာ၊ အမှားလို့ ရေးတာမျိုးတွေရှိရင် သမိုင်းပညာရှင်တယောက်အနေနဲ့ သုံးသပ်ပြပါဦး။

အမှား။ အမှန်ကတော့ ပြောဖို့ခက်ပါတယ်။ အချက်အလက်အရ မှားတယ်။ မှန်တယ်ဆိုတာတော့ ပြောလို့ရမယ်။ အချက်အလက်ကတော့ လိုက်နိုင်ရင်လိုက်နိုင်သလောက်၊ စုံရင်စုံသလောက် ခန့်မှန်းပြီးပြောရတာပေါ့နော်။ ဥပမာ- ဗမာပြည်လွတ်လပ်ရေးယူတာစောတယ်လို့ ပြောတဲ့သူလည်း ရှိတယ်လေ။ တိုင်းပြည်အခြေအနေကောင်းမှယူဖို့ကောင်းတယ် အဲဒါမျိုးပေါ့နော်။ အမှားအမှန် ဆိုတာကတော့ ငြင်းခုန်မှုပဲလေ။ တကယ့်အမှားအမှန်ကတော့ အချက်အလက်ပေါ့။ နိုင်ငံခြားမှာကတော့ ခိုင်ခိုင်လုံလုံ facts က ပေါတယ်။ ဗမာပြည်မှာကကျ
အဲလို စနစ်တကျ မရှိဘူး။ အမှားကို အမှန်ထင်နေတာ ပြောရရင် Census လိုဟာမျိုးတောင် တိတိကျကျမရှိဘူုး။ Census မှာ လူမျိုး၁၃၅မျိုး ဆိုတာ အမှန်က လူမျိုးမဟုတ်ဘူး။
Dialect စကားပေါ့။ နောက်ဒေသအလိုက် အုပ်စုတွေပေါ့။ ဥပမာ- လူမျိုးဗမာထဲမှာ ဘိတ်တို့၊ ထားဝယ်တို့ ပါတယ်လေ။ တလောကဖတ်ရတယ်။ ဘိတ်မှာ မြိတ်သားဆိုတာ ရှိပါတယ်ပေါ့ ရေးထားတယ်။ နောက်တခါ နေရာပေါ် မူတည်ပြီး ချောင်းသားတို့။ တောင်ပေါ်သားတို့ ခေါ်တာတွေရှိတယ်လေ။ လူမျိုးဆိုတာ Identity ကလည်း၊ ခံယူချက် ကလည်း ခေတ်အလိုက် ပြောင်းနေတာ။ အရင်တုန်းကတော့ ဗမာတို့၊ မွန်တို့ဆို ရှင်းတယ်လေ။ ဆင်းသက်လာထဲက တိကျတဲ့လူမျိုးအကြီးတွေရှိပြီးသားဆိုတော့။ တချို့တွေကျ ယဉ်ကျေးမှု အရလည်း နောက်ကျတယ်။ ပျံနှံ့နေတာလည်း ကွဲတယ်ဆိုတော့ စုစည်းမှုကလည်း သိပ်မရှိဘူး။ နောက်ပိုင်းအင်္ဂလိပ်ဝင်လာတော့ ယဉ်ကျေးမှုရှိလာပြီး လူမျိုး Identity ကပေါ်လာတယ်။
ဥပမာ- ချင်းဆို ချင်းလို့ခေါ်ရမလား။ ဇိုလို့ခေါ်ရမလား။ မီဇိုလို့ခေါ်ရမလား။ သူတို့အချင်းချင်းမှာကိုအဲလိုကွဲနေတယ်။ အဓိကကတော့ လူမျိုးခံယူချက် ပေါ်ပေါက်လာတဲ့ အပေါ် ရှေ့ကျတာနောက်ကျတာပေါ်မူတည်ပြီးကွဲတယ်။ သန်းခေါင်စာရင်း စစ်တမ်းမှာ အဲဒီ့၁၃၅မျိုးဆိုတာ လူမျိူုးလား။ Dialect လား နားမလည်လို့ ခုလိုလူမျိုး၁၃၅မျိုးဆိုပြီးဖြစ်နေတာ။ အမှန်တော့ လူမျိုးဘယ်နှစ်မျိုး ဆိုတာကို ဒေသအလိုက်နေထိုင် သူတွေက သူတို့ဟာသူတို့သတ်မှတ်ရမှာလေ။

– မြန်မာနဲ့ ဗမာ အသုံးအနှုံးကွဲပြားပုံရော။

မြန်မာနဲ့ဗမာက အတူတူပါပဲ။ ရေးတာကွဲတာပါပဲ။ စာထဲမှာ မြန်မာလို့သုံးတာလေ။ ဗမာ ဆိုတာက အရပ်ထဲမှာခေါ်တာလိုမျိုး သုံးတာလေ။ အင်္ဂလိပ်ဝင်လာတဲ့ အခါကျ သူတို့ကလမ်းပေါ်မှာပြောတဲ့လူတွေ စကားသံကိုယူပြီး Burman, Burmese အဲဒီလိုခေါ်တာ။ မြန်မာလို့ အင်္ဂလိပ်တွေ ဟိုးရှေးထဲက ရေးတာတွေရှိတယ်။ စာလုံးပေါင်းကတော့ ကွဲကြတယ်။ သုံးတာနဲလို့။ အမှန်ကအတူတူပါပဲ။ “တို့ဗမာ” က ဘာလို့ ဗမာလုပ်သလဲဆိုတော့ Ethnic Notion လို့ခေါ်မှာပေါ့။ ၁၉၃၀လောက်က သူတို့ကဘာကိုအားကျသလဲဆိုတော့ ဂျာမဏီတို့၊ အီတလီ တို့မှာ နယ်တွေ အကုန်စုပြီး နိုင်ငံတွေ ခေါ်တာ အားကျတယ်ထင်ပါတယ်။ တို့ဗမာအစည်းအရုံး ခေါင်းဆောင် တွေက အဲဒီ့ခေတ်က ဂျာမန် အတွေးအခေါ် ပညာရှင်တွေကို နစ်ရှေးတို့ဘာတို့ကို အားကျကြတယ် ထင်ပါတယ်။ သူတို့စိတ်ထဲမှာ လူမျိုးကြီးဖြစ်အောင် လုပ်မယ်ဆိုတာ ရှိပုံရတယ်လေ။ အဲဒီ့မှာ ရှိသမျှတိုင်းရင်းသားတွေအကုန်လုံးကို ပေါင်းပြီးတော့ အကုန်လုံးနဲ့ဆိုင်တဲ့ နာမည်ဖြစ်အောင်လုပ်မယ်ဆိုပြီးတော့” ဗမာ” ဆိုပြီး ရှေ့တန်းတင်လိုက်တယ်။ ၁၉၂၀လောက်ထိ စာတမ်းတွေဘာတွေမှာ၊ အစည်းအဝေးတွေမှာ မွန်-မြန်မာအမျိုးသားလို့ရေးတယ်လေ။
ရခိုင်တောင် သူတို့သီးသန့်ကောက်တာ မဟုတ်ဘူုး။ မြန်မာထဲမှာ ထည့်ထားတာ။ မြန်မာထက်ပိုပြီး အားပြင်းအောင်။ မြန်မာက အားလုံးထက် သာတယ် ဆိုတာမျိုးဖြစ်အောင် ဗမာလို့လုပ်လိုက်တာ။ အမှန်က မဟုတ်ပါဘူး။ တို့ဗမာအစည်းအရုံး ပျက်တဲ့လောက်ထိမှာ ရပ်သွားတာလေ။ ရှမ်းတွေဘာတွေတောင် သိပ်မသိဘူး။ တချို့ ၁၉၅၀ လောက်ထိ တာချီလိတ်တို့၊ ဘာတို့ဘက်တွေမှာ လွတ်လပ်ရေးရတာ မသိတဲ့သူတွေရှိတယ်။

– မြန်မာပြည်မှာ ရှေးဟောင်းအဆောက်အဦတွေပြင်တဲ့ကိစ္စပေါ့လေ။ အမြင်တွေကွဲပြားတာလဲရှိကြတော့ ဘိုဘိုလန်းစင်ရဲ့ သမိုင်းပညာရှင်တယောက် အမြင်ကို သိချင်ပါတယ်။

အရင်အစိုးရလက်ထက်ဘယ်လိုပြင်သွားတယ်ဆိုတာပေါ် မူတည်တာပေါ့လေ။ နဂိုက အုတ်ပုံလောက်ရှိတဲ့ဘုရားကို ဘုရားလက်သစ်ကြီးဖြစ်အောင် ဆောက်ပစ်တာမျိုးကျ မသိဘူးလေ။ နိုင်ငံတကာစံနှုံးတွေအရကတော့ တဦးတယောက်ရဲ့စံနှုံးနဲ့တိုင်းလို့ မဖြစ်နိုင်ဘူးလေ။ နိုင်ငံတကာလက်ခံမှု တဦးချင်းလက်ခံမှုနဲ မတူနိုင်ပါဘူး။ ပြင်လိုက်တဲ့အတွက် နိုင်ငံတကာ လက်ခံမှုက လျှော့သွားနိုင်တယ်။ ကျနော်ကိုယ်တိုင်လည်း အန်ကောဝတ်ကိုရောက်တော့ တကယ့် အထင်ကရ နေရာတွေမှာ နတ်ဘီလုး ရုပ်ကြီး တွေဆို ဖျက်ဆီးတာ ခံရဖန်များတော့ ခါးပိုင်းလောက်ကနေ ကျန်တာကို ခေါင်းတွေဘာတွေဖြည့်ဆောက်ထားတယ်။ သူ့နိုင်ငံနဲ့ သူ့စံတော့ရှိပါတယ်။ ဒါပေမယ့် ခေါင်းပိုင်းလေးပြတ်နေမှ စိတ်ထဲကနေ ခေါင်းပိုင်းလေး ဖြည့်ကြည့်လို့ရတဲ့ ခံစားချက်က ပျက်သွားပြီးတော့ ပလာစတာရုပ်အသစ်ကြီး ရောက်လာတယ် လို့ စိတ်ထဲမှာ ထင်မိတယ်ပေါ့လေ။ Rome မှာက Dynamic ဖြစ်နေတယ်ဆိုတာက ခေတ်အဆက်ဆက် တခေတ်နဲ့တခေတ်မတူတာတွေက ထပ်ထပ်ပြီးပေါ်နေတာ။ ကျနော်ရောက်ဖူးတယ်လေ။ ခေတ်တခုနဲ့တခုမတူတာတွေပေါင်းပြီးလှနေတာပေါ့။ ပုဂံကကျတော့ Dynamic ဖြစ်ဖို့ဆိုတာက အရင်ပုံစံဟောင်း ကို ပြန်တုပြီး အဲလောက်လဲမကောင်းတဲ့ နောက်ထပ် အသစ် ရွှေတော့ရွှေ၊ ဒစ်စကိုရွှေပေါ့။ နဂိုပုံစံကိုပြန်တုထားတာ။ တကယ်ပုံစံအစစ်လည်း မဟုတ်ဘူး။ ပျင်းစရာကောင်းပြီး Dynamic လည်းမဖြစ်ဘဲ အီနေတာပေါ့နော်။ နောက်ပြန်လှည့်သလိုပေါ့။ ဥပမာ- ပုဂံဘုရားဟောင်းတွေကို ငုံငုံပြီး ပြန်ဆောက်တယ်ဆိုလည်း မူလလက်ရာမြင်နိုင်အောင် ဖန်နဲ့ငုံပြီး ဆောက်တာမျိုး ဆိုရင်တော့ တမျိုးပေါ့။ လက်ခံနိုင်စရာပေါ့။ ကွန်ကရစ်လို၊ သံလိုမျိုးနဲ့ သိပ္ပံအဆောက်အဦတွေလိုမျိုးပုံစံငုံရင်လည်းငုံပေါ့။ ဒါပေမယ့် Landscape ကြီးကတော့ ပျက်မှာပဲ။ ပုဂံမှာ မျှော်စင်ကြီးဆောက်လိုက်တဲ့အတွက် ပုဂံမှာမြင်ရတဲ့ Landscape က လုံးဝပြောင်းသွားတယ်လေ။ ဗိသုကာရယ်၊ Art History လည်းရှိတယ်။ စာသမားဘက်ကမြင်တာလည်းရှိမယ်။ Philosophy ဘက်ကအမြင်လည်းရှိမယ်။ မြို့တွေရဲ့ဝိဥာဉ်လည်းရှိတာပေါ့ ။ ကျနော်တို့ မန္တလေးသားတွေကလည်း ကျုံးကို ပြန်ပြင်တာ ဆည်နဲ့တူသွားတယ်လို့ ပြောကြတယ်လေ။ အဲဒါကို ကျုံးက ပိုခိုင်၊ ပိုသန့်သွားတယ်လို့ မြင်တဲ့သူတွေလည်း ရှိမှာပေါ့။ သူ့စံနဲ့ သူ။ သူ့ Value နဲ့သူပေါ့။

– သတင်းဘက်ပိုင်းလုပ်ဖြစ်တာက။

သမိုင်းနဲ့ သတင်းနဲ့က ဆက်စပ်နေတယ်။ သတင်းစာများက သမိုင်းကိုပြောနေတယ်။ လက်ရှိခေတ်ဖြစ်နေတာတွေကို သိနိုင်။ မှတ်တမ်း တင်နိုင်တယ်လေ။ နိုင်ငံရေးကတော့ စိတ်ဝင်စားတယ်။ နိုင်ငံရေးကအမြဲပြောင်းနေတဲ့ခေတ်။ နိုင်ငံရေးကိုယ်တိုင်ဝင်လုပ်ဖို့တော့ သတ္တိမရှိပါဘူး။ နိုင်ငံရေးသမားတွေလွတ်လာကာစက လူတွေတော်တော်များများက နိုင်ငံရေးသမားတွေ ဘာလုပ်နေတယ် စိတ်ဝင်စားကြတော့ ဦးကိုကိုကြီးလက်ရှိ ဘာတွေလုပ်နေတယ်မေးခိုင်းတော့ ငွေဆောင်ဘက်မှာ အုန်းခြံတွေအသိမ်းခံရတာကို သူတို့ကိုလာတိုင်တယ်တဲ့။ အဲ့ဒီ့သတင်းလိုက်ပါလားတဲ့။
ဒီသတင်းတွေက Celebrity သတင်းတွေလဲမဟုတ်တော့ လုသိပ်စိတ်မ၀င်စားကြဘူးလေ။ မကြာခင်မှာ မုံရွာလက်ပတောင်းကိစ္စဖြစ်တာပဲ။ အစောဆုံးသိတဲ့ထဲမှာ ကျနော်တို့လဲပါတယ်။ မုံရွာဒေသခံတွေလုပ်တဲ့ ၀က်ဘ်ဆိုက်လေးတွေကနေစသိတာလေ။ သတင်းအစအနဘယ်က လိုက်ရမယ်မသိတဲ့အခြေအနေကနေ လက်ပတောင်းက ကမ္ဘာသိတဲ့ထိဖြစ်သွားတယ်။ သတင်းဆိုတာ ကြီးသည်ငယ်သည်မရှိဘူးလေ။ အချိန်မရွေး Top ရောက်သွားနိုင်တာဘဲ။ အင်မတန်လူစိတ်ဝင်စားခံရတဲ့သူတွေဟာလည်း တချိန်မှာရိုးအီသွားတာမျိုး ဖြစ်သွားနိုင်တာဘဲ။ သတင်းမှာလည်း
နိုင်ငံရေးလောကလို သင်္ခါရဆိုတာရှိတယ်။ သတင်းတွေဟာ ကြည့်ရင်းကြည့်ရင်းနဲ့ သမိုင်းအတွက် ဖြစ်သွားတယ်။

– ဘယ်သူတွေကိုအားကျလဲ။ မြန်မာပြည်မှာ ဘယ်လိုသမိုင်းစာအုပ်တွေလိုသလဲ။

အောက်ခြေကလူတွေအတွက်ရေးတဲ့သမိုင်းလိုဟာမျိုးကတော့ မြန်မာပြည်မှာနောက်ပိုင်း နောက်ကျတာပေါ့လေ။ အဲလိုမျိုးက ကိုယ့်အဖိုးကိုယ်အားကျတာပေါ့။ ပြောလို့တော့သိပ်မကောင်းဘူးဗျ။ (ရီလျက်။) သူတို့စတယ်ပြောလို့ရတယ်။ သူတို့ကလက်ဝဲအမြင်လဲရှိတယ်။ ” ထောင်နဲ့လူသား ” တို့၊ ” ကျနော်ဆားချက်သမား ” တို့။ အင်္ဂလန်မှာ ” The Making of English Working Class ” ဆိုတဲ့စာအုပ်ရှိတယ်။ အင်္ဂလိပ်အလုပ်သမားလူတန်းစားတွေအကြောင်းရေးထားတာ။..မြန်မာပြည်မှာ ဘယ်လိုသမိုင်းစာအုပ်မျိုးလိုသလဲဆို Culture History, Social History နာမည်တော်တော်များများရှိပါတယ်။ လိုတာက မြန်မာလူမျိုး၊ မြန်မာနိုင်ငံဆိုတဲ့ အဲဒါမျိုးတွေအမျိုးသားရေးစိတ်တွေပေါ်လာတာကို မြန်မာတွေရဲ့ရှုဒေါင့်ကမဟုတ်ဘဲနဲ့ ဒီမှာရှိတဲ့လူမျိုးစု
တွေအားလုံးရဲ့အမြင်ကနေပြီးတော့ စုံစုံလင်လင်နဲ့သုံးသပ်နိုင်တဲ့သမိုင်းမျိုးကလိုတယ်။ တော်တော်များများက မြန်မာမြင်တဲ့အမြင်၊ တိုင်းရင်းသားဘက်ကမြင်တဲ့အမြင်၊ နိုင်ငံခြားသားဘက်ကမြင်တဲ့အမြင် အဲလိုမျိုးတွေများတယ်လေ။ အကုန်လုံးဘက်ကကြည့်ရင် လက်ခံနိုင်တဲ့ National History လိုဟာမျိုးက မရှိသေးဘူး။ အဲလိုမရှိတဲ့အတွက် National Consensus ခေါ်တဲ့နိုင်ငံနဲ့ဆိုင်တဲ့ အမျိုးသားရေးစိတ်လည်း မရှိဘဲ ဇာတ်လမ်းတွေရှုပ်နေတယ်။ နိုင်ငံခြားသားနဲ့ တိုင်းရင်းသားနဲ့လဲ ခွဲတယ်။ မြန်မာနဲ့ လူနဲစုနဲ့လဲ ခွဲတယ်။ လူမျိုးစုချင်းလဲ ခွဲတယ်။ မြန်မာမြန်မာချင်းမှာလဲ ဆင်းရဲတဲ့သူနဲ့
ချမ်းသာတဲ့သူနဲ့ခွဲတယ်။ အဲဒါတွေနဲ့ဇာတ်လမ်းကမပြီးတော့ဘူး။



No Responses Yet to “ဘိုဘိုလန်းစင်နဲ့တွေ့ဆုံခြင်း။ ညိုခက်ကျော်”

  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: