ဆရာ ဆရာမအပေါင်းတို့ ခင်ဗျား

09Dec14

ဆရာ ဆရာမအပေါင်းတို့ ခင်ဗျား

မကြာမီက ကျနော့ ဘွားအေကြီး၏ မွေးနေ့ အမှတ်တရ စာပေအခမ်းအနားများကို ရန်ကုန် မန္တလေးမြို့များတွင် သိုက်သိုက်ဝန်းဝန်း တင့်တင့်တယ်တယ် ဆောင်ရွက်ပေးကြသဖြင့် ဆရာ ဆရာမတို့ကို ကျေးဇူးတင်ကြောင်း ပြောလိုပါသည်။ ထိုထက် နောက်နှစ် ရာပြည့်ပွဲ ကျင်းပမည် ဆိုသည်နှင့်အတူ ကျွန်ုပ်တို့ စာပေတွင် ဘာဆက်လုပ်ကြမည်နည်း ဆိုသည့် ကိစ္စတရပ်ကို ပြောပြ လိုပါသည်။

ယခုအခါ ဗမာပြည်ကြီးလည်း ပွင့်လင်းလာပီဟု ဆိုကြပါသည်။ တိုင်းပြည် တံခါးပွင့်လျှင် ကျွန်ုပ်တို့ စိတ်တံခါး အသိဥာဏ်တံခါးများလည်း ပွင့်လင်းလာကြဖို့ သင့်ပါသည်။ လူထုလူအများစုကို စာပေနှင့် တင်ဆက် ထင်ဟပ်ရသည့် စာလုပ်သားများသည် ခံစားချက်ကို လိုက်၍ ရေးသား စီကုံးသည် ဆိုသော်ငြား လူထုကို ကိုယ့်စာကြောင့် အသိခံယူချက် ချွတ်ယွင်းတိမ်းပါးမှု ရှိခဲ့လျှင် ကျွန်ုပ်တို့ အပြစ်များစွာ ရှိပါလိမ့်မည်။ ကိုယ်ရေးသည့် အဘယ်စာသည် လူထု အသိပညာကို တိမ်းမှောက်စေသနည်း ဆိုသည်မှာ အမြင်ရှုဒေါင့် ကွဲပြားပါလိမ့်မည်။ အကြမ်းအားဖြင့် ဆိုမူ လူနှင့် လူ့အသိုက်အမြုံ ကြီးပွားတိုးတက်ကြောင်း အေးချမ်းသာယာ ဝပြောကြောင်းကို ဇောင်းမပေးဘဲ လူအချင်းချင်း အကြား စိတ်သွေးကွဲပြား မယုံကြည် တိမ်းစောင်းမှု ပဋိပက္ခ အကြမ်းပတမ်းမှု တို့ကို အားပေးသည့် စာမျိုး၊ ချို့ယွင်း နိမ့်ကျသည့် လူတမျိုး လူတစုကို လူများစု၏ ဖယ်ကြဉ် ဥပါဒ်ဘေးပြုမှုကို အားပေးသည့် သင်းခွဲစာမျိုးတော့ ကိုယ့်ကလောင်စက်မှ မထွက်စေလိုသည်မှာ များစွာသော စာပြုသူတို့ စိတ်ထဲတွင် ခံယူပြီး ဖြစ်ပါလိမ့်မည်။ ထို့ကြောင့် နိုင်ငံရေး အနုပညာ ဘဝသိမှု စာပြုသူတို့ အမြင်မည်မျှ ကွဲပြား ကြစေကာမူ တိုင်းပြည်နှင့် လူ့အသိုက်အမြုံ အဖွဲ့အစည်း ကောင်းကျိုးကို ရှေးရှုသည့် စာမျိုးသည် စာပေ၏ အမတေ ပတ္တမြားခဲတို့ပင် ဖြစ်ကြပါသည်။ ကျွန်ုပ်တို့၏ ဂန္ထဝင်ဟု ဆိုသော စာပေါင်းစု တို့တွင် လူ့အတွေးအခေါ် ရသစာစုတို့၏ အဆီအဖူး အကောင်းအညွန့်တို့ကို သိုမှီး ထိန်းသိမ်းထားသည် တို့ကို ကြည့်ပါလျှင်လည်း အရေးအသား ချွတ်ယွင်း တိမ်ငုပ်သော၊ လောကပသာဒ မှားယွင်းနိမ့်ကျသည့် စာလှေးစာမှိုက်တို့ ပါလေ့မရှိသည်ကို စာဆရာတို့ ကောင်းစွာ သိကြပါသည်။

ထို့ကြောင့် ကျနော် ကျွန်ုပ်တို့ ဘာဆက်လုပ်သင့်ကြပါသနည်း။ ကျနော်တို့သည် ရှေးဝိပါက ဝဋ်မကင်းပါ၍ မြန်မာပြည်တွင် ဆင်းဆင်းရဲရဲ လူလာဖြစ်ကြရသည့် အထဲ စာရေး စာဖတ် ဆိုသည့် လူချမ်းသာမဟုတ်မည့် လမ်းကို ကျေကျေနပ်နပ်ကြီး ခံယူကြသူများဖြစ်ရကား အများတကာ ဆင်းရဲသည်နှင့် တန်းတူ ဆင်းရဲကြသလို ပြည်သူအများ ဆင်းရဲကြုံလျှင်လည်း ကျွန်ုပ်တို့ အနုစာပေသမား အင်တီလီဂျန်းဆား ဆိုသည့် ပညာတတ် တပိုင်းပုဂ္ဂိုလ်များပါ ကြီးစွာ စိတ်ခံစားချက် ပြင်းရပါသည်။ တိုင်းပြည် လူအများ ဘဝအခြေကို လူချင်းအတူ သူချင်းအမျှ ဖြစ်စေလိုသည်မှာ တိုင်းပြည် လူအများနှင့် ကျွန်ုပ်တို့ ထပ်တူဟု ဆိုရပါမည်။ ကျွန်ုပ်တို့တွင် ဘာကြီးဖြစ်ကရော့ ဆိုသည့် ရည်မှန်းချက် လုပ်ခွင့် အာဏာကို မှန်းသူအချို့ ရှိပါလိမ့်မည်။ မှန်းသည်က အထူးမဟုတ်ပါ။ မိမိ၏ စာတကြောင်း လုပ်ရပ်တခုကြောင့် တိုင်းပြည် လူအများတွင် ကောင်းကျိုးချမ်းသာ ရသည် ဆိုသည့် ဂုဏ်ပုဒ်ကသာ ရာထူး ဂုဏ်သိန် အခွင့်အာဏာ မျက်နှာစာ တို့ထက် ကျွန်ုပ်တို့ ဘဝတွင် ကျန်ရစ်မည့် အနှစ်အသားများ ဖြစ်ပါသည်။ ကျွန်ုပ်တို့ မြဝတီ ဝန်ကြီး၊ ပဒေသရာဇာ စသော ပုဂ္ဂိုလ်ကြီးများကို သူတို့ အာဏာတန်စိုး မင်းကြီးစိုးကျယ် အဖြစ်တို့ကြောင့် သိမှတ်ကြသည် မဟုတ်ဘဲ သူတို့ပြုသည့် စာပေဂီတ အနုလက်ရာ၊ တိုင်းကျိုးပြည်ဆောင် လုပ်ငန်းတို့ကို စွဲသိမှတ်၍သာ အနှစ် ရာချီ လေးစားကြည်ညိုကြသည် ဖြစ်ကြပါသည်။

ဆရာဇေယျ၏ စာတပုဒ်ကိုသာ ပြန်လည် ကိုးကားလိုပါသည်။ စာပေဆရာသည် စာပေဖြင့် လူ့ကောင်းကျိုးကို မဆောင်ကြဉ်း နိုင်ပါက မုန့်ဟင်းခါးဆိုင်းထမ်း၍ ရောင်းခြင်းကသာ သာလွန်ကောင်းမြတ်ပါသည်။ ကျွန်ုပ်တို့သည် တိုင်းပြည်၏ ပစ္စက္ခ အခြေကို သူနာပြု သမား၏ အမြင်ဟာဒယ ဖြင့် အမြဲမပြတ် အကဲခတ်၍ ကောင်းရာ ကောင်းကျိုးကို ဆတပိုး ထမ်းရွက်ကြမှသာ စာပေ၏ ဂုဏ်ကို ဆောင်သော စာဝန်ဆောင်များ စစ်စစ် ဖြစ်ကြလိမ့်မည်ဟု ယုံကြည်ပါ၏။

ကျန်းမာချမ်းသာစွာဖြင့် ပြည်သူအများ၏ စိတ်ဟာဒယကောင်းကျိုးကို ဖြည့်စွမ်းနိုင်ကြပါစေသော်ဝ်။



One Response to “ဆရာ ဆရာမအပေါင်းတို့ ခင်ဗျား”

  1. မုန့်ဟင်းခါး ရောင်းစားတာဟာ မြင့်မြတ်တဲ့ ရိုးသားတဲ့ အလုပ်ဖြစ်တယ်။ စာရေးဆရာ ဟာလည်း သူ့ အလုပ် သူ လုပ်တာပဲ။ မုန့်ဟင်းခါးသည် ကလည်း သူ့ အလုပ် သူ လုပ်တာပဲ။ သူ့ အလုပ် သူလုပ်၊ ကိုယ့် အလုပ် ကိုယ်လုပ် တာချင်း အတူတူ တစ်လုံး ပိုရှုပြီး အလုပ်အကိုင်ကို ခွဲခြား ချိုးနှိမ်တဲ့ စကားကို ၂၁ ရာစုမှာ ပြန်ပြီး ကိုးကားတာဟာ ဖောက်ပြန်တဲ့ အရှင်းဝါဒ သူငယ်နာ မစင်သေးဘူး၊ လောင်းရိပ်အောက် မထွက်နိုင်သေးဘူး ဆိုတဲ့ သဘောကို အကွင်း အကွင်း မုန့်တီဟင်း ဆိုသလို အထင်းသား ပြနေတယ်။ အလုပ်အကိုင် အစွဲပြု နှိမ်ချ ဆက်ဆံတာ ကျဆုံးပါစေ။


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: