ဟော်နန်းပျော်တို့ပြန်လာချိန် ၃၃

31Oct11

လွတ်လပ်တဲ့အာရှအသံ

သောတရှင်များခင်ဗျား၊

မြန်မာ ရှမ်းပဒေသရာဇ်အနွယ်တွေရဲ့ မှတ်တမ်းသမိုင်းတွေကို ဆက်တင်ပြပါအုံးမယ်။ ဒါတွေက ပြည်ပမှာ အင်္ဂလိပ်လိုရေးသားဖြန့်ချိတာတွေပါ။ လေဆိပ်စာအုပ်ဆိုင်တွေမှာ အရောင်းသွက်စာရင်းထဲပါတဲ့ ခရီးသည်ဖတ်စာအုပ်မျိုးတွေပါပဲ။ ဒီဘက်ခေတ်မှာ ပထမဆုံး စပီးထင်ရှားလာတာက ၁၉၆၂ အာဏာသိမ်းချိန်မှာ ပျောက်ဆုံးသွားတဲ့ သီပေါစော်ဘွားရဲ့ ကျန်ရစ်သူ သြစတြီးယားသူ မဟာဒေဝီရေးတဲ့ My Life as a Shan Princess ပါပဲ။ အရင်က မြန်မာနဲ့ပတ်သက်ပီး လေ့လာစရာ အများပရိသတ်ဖတ်ဖို့ ရွှေရိုးခေါ် ဆာဂျော့စကော့ရဲ့ မြန်မာ (The Burman) ၊ ဒေါက်တာထင်အောင်ရဲ့ မြန်မာ့ရိုးရာပုံပြင်များ၊ သူ့အကို မောင်မြင့်သိန်းရဲ့ မြန်မာ့ရိုးရာသီချင်းများ စတာတွေအပြင် ဘာတီးလစ်တနာ အင်ဒရူးမာရှယ်စတဲ့ အနောက်တိုင်းသားသတင်းစာဆရာတွေရဲ့ တောင်တန်းဒေသ တိုင်းရင်းသားလက်နက်ကိုင်တွေအကြောင်း မှတ်တမ်း ခရီးသွားစာအုပ်တွေပဲ တွေ့ရတတ်ပါတယ်။ ဝင်ဒီလောရုံရဲ့ ဧရာဝတီတန်ဂို အခေါင်းသစ်ပင်စတဲ့ မြန်မာပြည်နောက်ခံဝတ္ထုတွေလည်း ထွက်ခဲ့ပါတယ်။

သီပေါမဟာဒေဝီစာအုပ်က သူ့ခင်ပွန်းနဲ့သူ အမေရိကမှာ ကျောင်းတက်ရင်း လက်ထပ်ခဲ့ကြပုံ၊ ရန်ကုန်ရောက်မှ သူ့ယောက်ျားကို စော်ဘွားမှန်းသိပုံ၊ နောက် နယ်မှာနေရတဲ့ဘဝနဲ့ ယဉ်ကျေးမှုကွာခြားပုံတွေ နောက်ဆုံး ယောက်ျားကို စစ်တပ်ကဖမ်းသွားတော့ ရှာလို့မရတော့ပဲ ဗမာပြည်က သမီးလေးတွေနဲ့ ထွက်လာခဲ့ရပုံကို နောက်ခံ နိုင်ငံရေးတွေနဲ့ စုံစုံလင်လင်တင်ပြပါတယ်။ ၁၉၅၀ လွတ်လပ်စမြန်မာပြည်မှာ မြန်မာနဲ့ ရှမ်းအာဏာရလူတန်းစားတွေအကြား အာဏာလွန်ဆွဲပွဲတွေကိုလည်း တစေ့တစောင်းမြင်ရမှာပါ။

နိုင်ငံခြားမဟာဒေဝီရေးတဲ့ သီပေါဟော်အတွေ့အကြုံစာအုပ်ကြောင့် သီပေါကို ကမ္ဘာလှည့်ခရီးသွားတွေ အလည်အပတ်များလာပါတယ်။ သီပေါရဲ့ ရှမ်း မြန်မာ ယဉ်ကျေးမှုအမွေအနှစ် ဘုရားတန်ဆောင်းတွေနဲ့ ဝန်းကျင်က ပလောင်ရွာ ရှမ်းရွာတွေဆီကို ခြေကျင်ခရီးထွက်ကြတယ်။ ဘော်ကြိုဘုရား၊ စခန်းသာဟော်စတဲ့ စော်ဘွားတွေလက်ကျန်လက်ရာတွေအပြင် သီပေါဟော်ဟောင်းကိုပါ လာလေ့လာကြပါတယ်။ ဒီဟော်က အင်္ဂလန်ကျေးလက်အိမ်ပုံဆောက်ထားတာပါ။ စော်ဘွားလက်ကျန် အမှတ်တရဓာတ်ပုံပစ္စည်းတွေ စုစည်းပီးလည်း ပြထားပါတယ်။ ရှမ်းပြည်မှာ စော်ဘွားမိသားစုတွေလက်ထဲ ကျန်နေသေးတဲ့ ရှားပါးဟော်တခုဆိုရင်မမှားပါဘူး။ ကျနော်သိသလောက် သူ့အပြင် လားရှိုးက သိန္နီစော်ဘွားကြီးဟော်တခု ရှိပါမယ်။ ကျန်တဲ့ဟော်ဟောင်းတွေက ဘုန်းကြီးကျောင်း ဆေးရုံစသဖြင့် အသွင်ပြောင်းကုန်ပီး ခိုင်ခိုင်မာမာကြီးကြီးမားမားရှိတဲ့ ကျိုင်းတုံဟော်ကို ဖြိုချပစ်သလို သမ္မတဟောင်းရဲ့ ညောင်ရွှေဟော်ကိုလည်း မိသားစုတွေရှိရက်နဲ့ ဗုဒ္ဓပြတိုက်ဆိုတာမျိုး လုပ်ပစ်ပါတယ်။ ရှမ်းပြည်တဝှမ်း ဟော်တွေက စော်ဘွားပလ္လင်တွေကို ဒီမှာရွှေ့ထားတယ်လို့လည်း ဆိုပါတယ်။ တကယ်က ဗမာဘုရင်ရဲ့သင်္ကေတ ဒီပလ္လင်တွေမှာ စော်ဘွားက လက်တင်ပီး တရားစီရင်လေ့ရှိတယ်၊ ပုံမှန်အားဖြင့် သလွန်နဲ့ပဲ ထိုင်လေ့ရှိတယ်လို့ ကြားဘူးပါတယ်။

သီပေါဒေဝီစာအုပ်လိုပဲ ညောင်ရွှေမဟာဒေဝီ သမ္မတဟောင်း စဝ်ရွှေသိုက်ကတော်ရဲ့ The White Umbrella ထီးဖြူဆောင်းဆိုတဲ့ စာအုပ်လည်း ဟို ဆယ်နှစ်လောက်က ထွက်လာပါတယ်။ ညောင်ရွှေမဟာဒေဝီကိုယ်တိုင်က ရှမ်းအမျိုးသမီး နိုင်ငံရေးမှာတက်ကြွတဲ့ လူမျိုးစုလွှတ်တော်အမတ်ဟောင်း ရှမ်းအမတ်အုပ်စုခေါင်းဆောင် နောက် SSA ရှမ်းပြည်တပ်မတော်ဦးဆောင်ခဲ့သူမို့ ရှမ်းပြည်ရဲ့ ကိုလိုနီခေတ် လွတ်လပ်ပီးခေတ်သမိုင်းနောက်ခံတွေ ပဒေသရာဇ်လူမှုဘဝတွေကို စုံစုံလင်လင်သိရသလို ရန်ကုန်မှာ မြန်မာတွေကြား နိုင်ငံရေးကစားခဲ့ရပုံ နောက်ဆုံး ခင်ပွန်းအဖမ်းခံရ သား သေနတ်နဲ့ပစ်သတ်ခံရပီးနောက် သားသမီးတချို့နဲ့ ပြည်ပအခြေခံပီး တော်လှန်ရေးလုပ်ခဲ့ပုံတွေကို ဖော်ပြထားပါတယ်။ နောက် သူ့လင်ပါသမီးတော် စဝ်စန္ဒာရဲ့ The Moon Princess ကိုယ်ရေးမှတ်တမ်းကလည်း အခွင့်ထူးခံ စော်ဘွားသမီးတယောက်ရဲ့ ကွန်ဗင့်ကျောင်းနဲ့ ဘိလပ် ကိန်းဘရစ်မှာ စာသင်ရတဲ့ ပညာရေးဘဝ ၊ နောက် ရန်ကုန်မှာ လွှတ်တော်နာယကသမီးအနေနဲ့ ကျင်လည်ခဲ့တဲ့ လူမှုအလွှာအကြောင်းတွေပါတဲ့အပြင် အရှေ့တောင်အာရှမှာ သတင်းထောက်တယောက်ရဲ့ ဇနီးဘဝနဲ့ တွေ့ရကြုံရတဲ့ ဂျင်မီသော်မဆင်လို လူထူးလူဆန်းတွေအကြောင်းပါ ဖတ်ချင်စရာကောင်းပါတယ်။

ပဒေသရာဇ်ဆန့်ကျင်ရေးခေါင်းဆောင် ရှမ်းပြည်နယ်ဥက္ကဋ္ဌဟောင်း နမ့်ခမ်းဦးထွန်းအေးသားရေးတဲ့စာအုပ်ကလွဲရင် ပဒေသရာဇ်အနွယ်များရေးတဲ့ မှတ်တမ်းတွေဟာ ဗမာလွှမ်းမိုးမှုဆန့်ကျင်ရေးနဲ့ ရှမ်းလူထုက စော်ဘွားအုပ်ချုပ်ရေးပေါ် လိုလားပုံစတဲ့ လူတန်းစားရပ်တည်ချက်ပေါ်အခြေခံတဲ့အမြင်တွေ များပါတယ်။ စဝ်စန္ဒာရေးတဲ့ လာအိုဘုရင့်နိုင်ငံသမိုင်းစာအုပ်ဆိုရင် ကွန်မြူနစ်အုပ်ချုပ်ရေးကို လောတွေက မလိုလားပဲ ဘုရင်စနစ်ပြန်လာမယ့်နေ့ကို မျှော်နေတယ်ဆိုတဲ့ အရေးမျိုးထိပါပါတယ်။ ဒါကြောင့် မြသန်းတင့်ရဲ့ လိုက်ခဲ့တော့မြနန္ဒာဖတ်ဖူးတဲ့သူတွေဟာ ဒီလိုပဒေသရာဇ်မှတ်တမ်းတွေမှာ ကူမင်တန်တရုတ်ဖြူနဲ့ စော်ဘွားဆက်ဆံရေး၊ လောင်းကစားဝိုင်းတွေကြောင့် နယ်မြေလူထုဆင်းရဲတွင်းကမထွက်နိုင်ပုံ၊ ပြည်နယ်တွေရဲ့အခွန်အခတွေနဲ့ ပဒေသရာဇ်တွေ စည်းစိမ်ခံပီး လူထုအတွက် ပညာရေး ကျန်းမာရေးမှာ လျစ်လျူရှုခဲ့ပုံတွေကို တွေ့မှာမဟုတ်ပါဘူး။ လောင်းကစားဝိုင်းတွေပိတ်၊ မြေယာပြုပြင်ရေး၊ လူမှုပြုပြင်ရေးတွေ စိတ်ဝင်တစားလုပ်ခဲ့တယ်လို့တော့ သီပေါဒေဝီစာအုပ်မှာ ဆိုပါတယ်။ သီပေါစော်ဘွားက အမေရိကန်က သတ္တုမိုင်းအင်ဂျင်နီယာကျောင်းဆင်းမို့ အင်္ဂလန်က လူ့မလိုင်ကျောင်းထွက်စော်ဘွားတွေနဲ့ မတူတဲ့ နိုင်ငံရေးလူမှုရေးအမြင်တမျိုးရှိခဲ့သလား မပြောတတ်ပါ။ ကျေးဇူးတင်ပါတယ်။



No Responses Yet to “ဟော်နန်းပျော်တို့ပြန်လာချိန် ၃၃”

  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: